ခရစ်နှစ် ၁၉၂၀ ပြည့်နှစ်သည် မြန်မာ့သမိုင်းတွင် အလွန် ထူးခြားသောနှစ်ဖြစ်ကာ ထိုနှစ် အောက်တို ဘာလ ၁၃ ရက်တွင် မြန်မာ့ရုပ်ရှင်ပေါ်ထွန်း၍ ဒီဇင်ဘာလ ၁ ရက်တွင် ရန်ကုန်တက္ကသိုလ်ကို တည်ထောင်ပြီး တန်ဆောင်မုန်းလပြည့်ကျော် ၁၀ ရက် (ဒီဇင်ဘာလ ၅ ရက်) တွင် အမျိုးသားအောင်ပွဲနေ့ စတင်ခဲ့သည်။ ထို့ကြောင့် ယခု ၂၀၂၀ ပြည့်နှစ်သည် မြန်မာ့ရုပ်ရှင်၊ ရန်ကုန်တက္ကသိုလ်နှင့် အမျိုးသားအောင်ပွဲနေ့တို့၏ နှစ် ၁၀၀ ပြည့်မြောက်သည့် အချိန်ကာလဖြစ်ပေသည်။

ရန်ကုန်တက္ကသိုလ်သည် ၁၉၂၀ ပြည့်နှစ် ဒီဇင်ဘာလ ၁ ရက်နေ့တွင် စတင်ဖွင့်လှစ်ခဲ့ရာ ယခု ၂၀၂၀ ပြည့်နှစ် ဒီဇင်ဘာလ ၁ ရက်နေ့တွင် သက်တမ်းနှစ် ၁၀၀ ပြည့်မည် ဖြစ်သည်။ ရန်ကုန်တက္ကသိုလ်တွင် တာဝန်အဆက်ဆက် ထမ်းဆောင်ခဲ့ကြသည့် ပါမောက္ခချုပ်ကြီးများ အနက် သက်ရှိထင်ရှား ပါမောက္ခချုပ်ကြီးများရှိသကဲ့သို့ ကွယ်လွန်သွားခဲ့ကြသည့် ပါမောက္ခချုပ် ကြီးများ ရှိကြပါသည်။