ပြည်တွင်း၊ ပြည်ပမှ ခရီးသွားပြည်သူတွေ အလွယ်တကူ လည်ပတ်လေ့လာ အပန်းဖြေစရာနေရာတွေ မြန်မာပြည်မှာ အမြောက်အမြားရှိပါတယ်။ အဲဒီထဲက မန္တလေးတိုင်းဒေသကြီး ပြင်ဦးလွင်ခရီးစဉ်နဲ့ ခရီးတစ်ဆက်တည်းဖြစ်တဲ့ ရှမ်းပြည်နယ် (မြောက်ပိုင်း) အဝင်ကနောင်ချိုမြို့ဟာ ခရီးသွားပြည်သူတွေအတွက် စိတ်ဝင်စားစရာမြို့တစ်မြို့ဖြစ်ပါတယ်။ နောင်ချိုမြို့ကို ရောက်တယ်ဆိုရင် လူသိများထင်ရှားကျော်ကြားတဲ့ တိမ်ပင်လယ်ဆီ သွားမလား၊ ကမ္ဘာကျော်ဂုတ်ထိပ်တံတားကြီးဆီကိုသွားမလား၊ သွားချင်တဲ့နေရာတွေကို အလွယ်တကူသွားရောက် လည်ပတ်နိုင်ပါတယ်။ ဒီလိုအပန်းဖြေခရီးတွေဟာ လွန်ခဲ့တဲ့နှစ်တွေက သွားလာနိုင်တာတွေဖြစ်ပြီး အခုအချိန်မှာတော့ ပြည်သူတွေလုံခြုံစိတ်ချစွာသွားလာနိုင်ဖို့ တပ်မတော်က ကြိုးပမ်းဆောင်ရွက်ပေးနေပါတယ်။