မူလတန်းကျောင်းသားဘဝ ဖတ်စာအုပ်ထဲက တန်ခူးလ သင်္ကြန်ပွဲ၊ ကဆုန်လ ညောင်ရေသွန်းပွဲ၊ နယုန်လ စာပြန်ပွဲ၊ ဝါဆိုလ ဝါဆိုပွဲ၊ တော်သလင်းလ လှေပြိုင်ပွဲ၊ သီတင်းကျွတ် လ မီးထွန်းပွဲ၊ တန်ဆောင်မုန်းလ ကထိန်ပွဲနှင့် အမျိုးသား အောင်ပွဲ၊ ပြာသိုလ မြန်မာ့လွတ်လပ်ရေးအောင်ပွဲဟု အထပ်ထပ်ရွတ်ဆိုစွဲထင်ခဲ့ရသမို့၊ ပြာသိုလဆန်းသည်နှင့် မန္တလေး ကျုံးနံဘေးမှာ ဝှဲချီးကျင်းပသည့် လွတ်လပ်ရေးအောင်ပွဲနေ့အခမ်းအနားကို ငွေနှင်းမှုန် အသိပ်အသည်း အောက် တိုးဝှေ့ကျပ်ညှပ် ပျော်ရွှင်ခဲ့ရသည်များလည်း ယခုထိ သတိရနေမိသည်။ နိုင်ငံတကာသုံး ပြက္ခဒိန်မှ နှစ်ဆန်းဇန်နဝါရီသည် မြန်မာပြက္ခဒိန် ပြာသိုလနှင့်အများ ဆုံးတိုက်ဆိုင်သည်။ ထို့ကြောင့်လည်း နှင်းတွေထူထပ်စွာ ကျတတ်သည့် မန္တလေးဆောင်းကို လွတ်လပ်ရေးနေ့ အခမ်းအနားပွဲလမ်းများနှင့် တစ်ထပ်တည်းစွဲမှတ်နေမိ သည်။

အဂတိလိုက်စားမှုတိုက်ဖျက်ရေးကော်မရှင်သည် အများပြည်သူတို့၏ဘဝများ သာယာဝပြောလာစေရန်အတွက် နိုင်ငံတော်အတွင်း အဂတိလိုက်စားမှုများကို အများပြည်သူတို့နှင့်အတူ လက်တွဲ၍ တွန်းလှန်တိုက်ဖျက်လျက်ရှိရာတွင် အသိပညာပေးခြင်း၊ တားဆီးကာကွယ်ခြင်းနှင့် စုံစမ်းစစ်ဆေး အရေးယူ ဆောင်ရွက်ခြင်းဟူသည့် နည်းလမ်းသုံးသွယ်ဖြင့် ဆောင်ရွက်လျက်ရှိပါသည်။

(၇၃) နှစ်မြောက်လွတ်လပ်ရေးနေ့ အကြိုဂုဏ်ပြုဆောင်းပါး

“ဆရာ။ ဇာတကဝတ္ထုတွေကို ပျို့အပြင် တခြားစာပေအမျိုးအစားတွေနဲ့ ဖွဲ့တာရောရှိပါ သလား”

ကျွန်မရဲ့ “ရာပြည့်တက္ကသိုလ်သို့ နောက်ကျအလွမ်း” ကြေးမုံသတင်းစာ(၂၃-၁၂ - ၂၀၂၀ရက်) ထုတ် ဆောင်းပါး ဖတ်ပြီး ၈၇ နှစ် အမယ်အိုကို တကယ်လိုလိုလားလား မေတ္တာစကားပြောကြားတာတွေအတွက် ကျေးဇူးတင်ပါတယ်။ ဒေါက်တာခင်သန်းဦး (မမိုးမြေ) ကဆို ခေါင်းစဉ်တောင်ပေးပြီး နောက်ဆက်တွဲရေးဖို့ပြောသလို စာချစ်သူ စာဖတ်သူ ခင်မြနွယ်ဆိုရင် သူ့ရဲ့ မဟာဝိဇ္ဇာကျမ်း ကြီးကြပ်သူ ဆရာ ဖိုးကျော်မြင့်ရဲ့ သွင်ပြင်၊ စိတ်ဓာတ် ခိုင်မာမှု၊ ကိုယ်ကျင့်သိက္ခာစတာလေးတွေပေါ်အောင် ရေးပေးပါလို့ ပြောလာပါတယ်။ တကယ်တော့ အရှိကို အရှိအတိုင်း ရေးချင်ပေမယ့် ကိုယ်ရည်သွေးရာ ရောက်မှာစိုးလို့ မရေးချင်ပါ။ “ဝိုင်းပြောသိလိမ့်” သဘောပဲထား ချင်ပါတယ်။ ခင်ပွန်းသည် ဦးဖိုးကျော်မြင့် (မြန်စာဂုဏ် ကျော်မြင့်)နဲ့ ကျွန်မတို့ နှစ်ယောက်က ဆရာ ဆရာမ ဘဝကို နှစ်နှစ်သက်သက် ရွေးချယ်ခဲ့ကြတာပါ။ အခုတော့ သူနဲ့ ပတ်သက်ပြီး ကျွန်မရဲ့ သစ္စာစကားနဲ့ဝေမျှချင်မှု၊ သူ့ရဲ့ လုံ့လ၊ ဝီရိယကြီးမားမှု၊ မျိုးဆက်သစ်တွေကို အကျိုးပြုစေချင်တဲ့ ရည်ရွယ်မှုနဲ့ ရေးတာဖြစ်ပါ တယ်။

၂၀၂၀ ပြည့်နှစ်ကျော်ခဲ့ပြီ။ ၂၀၂၁ ခုနှစ်ရောက်ပြီ။ ရှေ့သို့ချီမည်။ နောက်ပြန်မလှည့်။ ပြီးခဲ့ပြီးသော အတိတ်။ ကုန်ဆုံးပြီးသောအချိန် ပြန်ယူ၍မရ။ ပြန်လည်တမ်းတ နေ၍မရ။ နှောင်းမှရသောနောင်တ။ ပြီးခဲ့သောကာလကဘာအမှားတွေလုပ်ခဲ့သလဲ။ ထိုအမှားများ၏ သင်ခန်းစာကို သာပြန်လည်သုံးသပ်။ ၂၀၂၁ မှာ ထပ်မမှားစေနှင့်။ စွဲမြဲသတိရှိသင့်ပြီ။ ဆင်ခြင်ကြည့်ကြစို့။ ဤအချိန်သည် တတိယ အကြိမ်ပြည်သူ့လွှတ်တော်သက်တမ်းကို ၂၀၂၁ နှစ်ဆန်း ပိုင်းတွင် စတင်မည့်အချိန်။ အစိုးရသစ် ဖွဲ့စည်းမည့်အချိန် လည်းဖြစ်သည်။ အများအသိပါ။

လွန်ခဲ့သောနှစ်ပေါင်း ၄၀ ကျော်။ ၁၉၇၈၊ ၁၉၇၉ ခုနှစ် ပတ်ဝန်းကျင်တစ်ဝိုက်ဆီက။ ရန်ကုန်ဝိဇ္ဇာနှင့် သိပ္ပံတက္ကသိုလ်၊ အီကို ကင်တင်းန်နားက ပန်းချီခန်း။ အဆောက် အဦ သေးသေးကုပ်ကုပ်လေးထဲတွင် အနား ယူနေသောဥပဒေနောက်ဆုံးနှစ်ကျောင်းသား ကိုဌေးမြင့် (ကာတွန်းဖိုးတိုး) ထံ သင်္ချာကျောင်းသား ကိုမျိုးကြွယ်(ပန်းချီ ကေမြိုး (ကွယ်လွန်)) ၏ ကောင်းမှုဖြင့် အထူးဧည့်သည်တစ်ဦး ရောက်ရှိလာသည်။ ရုက္ခဗေဒနောက်ဆုံးနှစ်ကျောင်းသား ကိုမျိုး သန့်(ကာတွန်း မောင်နန္ဒ)ပင် ဖြစ်သည်။ ကာတွန်းဆရာကြီးဝင်းမောင် (မိမော်မေမ)(ကွယ်လွန်)၏ စာပေးစာယူသင်တန်းသား တပည့် ကာတွန်းဖိုးတိုးတစ်ယောက် ဝါသနာ တူ ကာတွန်းမောင်နန္ဒနှင့် ရန်ကုန်တက္ကသိုလ် ၏ ပထမဆုံးဖြစ်လာမည့် ကာတွန်းပြပွဲကိစ္စ စတင်ဆွေးနွေးဖြစ်ခဲ့ကြသည်။

တိုင်ထိပ်ဖျားတွင် အလံတော်သည် ကြွားကြွားဝင့်ဝင့်ငွားငွားစွင့်စွင့် လွင့်ပျံ၍နေသည်။ မိုးကောင်းကင်အထိ ထိုးထွက်နေဘိသည့်အလား ကြီးမားခံ့ခိုင်သည့် ဖြူလွလွကျောက်တိုင် ကြီးသည်လည်း ဧည့်ပရိသတ်တို့ရှေ့တွင် မားမားမတ်မတ် ရပ်၍နေသည်။ ထိန်ထိန်ညီးသည့် မီးရောင်စုံတို့သည်လည်း အစွမ်းကုန်ထွန်းလင်းတောက်ပလျက်ရှိနေပြီ။ လောကဓာတ် တစ်ခွင်လုံးကား ဘေးမသမ်း အေးချမ်းခြင်း၏ အတိတ်နိမိတ်ကိုယူ၍ အေးချမ်းဆိတ်ငြိမ်စွာဖြင့် လှပရွှန်းတင့်အသရေမြင့်လျက် ရှိနေကြပါ၏။