ယနေ့ကာလတွင် သူတစ်ပါးပိုင်၊ အများ ပြည်သူပိုင် နေအိမ်၊ ကျောင်း၊ အဆောက် အအုံတို့ကို မသမာသူအဖျက်သမားတို့က မီးရှို့ဖျက်ဆီးခြင်း၊ ဗုံးခွဲတိုက်ခိုက်ခြင်း တို့အပြင် “ငါနဲ့မတူ ငါ့ရန်သူ” အဖြစ် သတ်မှတ်ကာ ရက်ရက်စက်စက် သတ်ဖြတ်ခြင်းတို့ ပြုလုပ်ကြသည်ကို မြင်တွေ့ကြားသိနေရပါ၏။ ထိုသို့ မီးရှို့၊ ဗုံးခွဲ၊ သတ်ဖြတ်မှုများနှင့်ပတ်သက်၍ ဖမ်းဆီးရမိသူများ၏ ထွက်ဆိုချက် များအရ NLD အစွန်းရောက်များ၊ CRPH နှင့် NUG ၊ ၎င်းတို့ကို ထောက်ခံသူများ၊ PDF များ၊ ၎င်းတို့က ငွေပေးစေခိုင်း သူများက ပြုလုပ်ခဲ့ကြသည်ဟု ထွက် ဆိုထားသည်။

မြန်မာနိုင်ငံအပါအဝင် ကမ္ဘာ့နိုင်ငံများသည် နိုင်ငံအတွင်း မူးယစ်ဆေးဝါးသုံးစွဲမှု မြင့်တက်လာမှုကို ဖြေရှင်းဆောင်ရွက်နေရလျက်ရှိပါသည်။ သက်ဆိုင်ရာ နိုင်ငံအစိုးရများအနေဖြင့် ကိုဗစ်-၁၉ ကပ်ရောဂါကြောင့် စီးပွားရေးအပေါ် များစွာထိခိုက်ရသည့်အပြင် ရောဂါကူးစက်သူများကို ကုသပေးရခြင်း၊ အခြားသူ များသို့ ထပ်မံမကူးစက်ရန် ကြိုတင်ကာကွယ်ခြင်း၊ အခြားနိုင်ငံများမှ ဗီဇပြောင်း ကိုဗစ်-၁၉ ကပ်ရောဂါများ ကူးစက်မှုမခံရစေရန် ပျားပန်းခပ် ကြိုးပမ်း နေရလျက်ရှိပါသည်။ မူးယစ်ဆေးဝါးပြဿနာကို အားသွန်ခွန်စိုက် ကြိုးပမ်းဖြေရှင်းနေရင်း “မြွေပူရာ၊ ကင်းမှောင့်” ကိုဗစ် ကပ်ရောဂါထိန်းချုပ်နိုင်ရေးကို ဖြေရှင်းနေရပါသည်။ ထို့ကြောင့်ပင် နိုင်ငံအများစုမှာ မူးယစ်ဆေးဝါးပြဿနာဖြေရှင်းရေးတွင် ခွန်အားစိုက်ထုတ်ရမှုများ၌ စိန်ခေါ်မှုများနှင့် ကြုံတွေ့ နေရပါသည်။