အပြည်ပြည်ဆိုင်ရာ အလုပ်သမားရေးရာအဖွဲ့သည် ကမ္ဘာတစ်ဝန်းရှိ ကလေးအလုပ်သမားများ၏ အတိဒုက္ခများ၊ အခက်အခဲများနှင့် ၎င်းတို့ကို မည်သို့သော အကူအညီ အထောက်အပံ့ပေးနိုင်ရေးတို့ကို မီးမောင်းထိုးပြနိုင်ရန်ရည်ရွယ်ပြီး နှစ်စဉ်ဇွန်လ ၁၂ ရက်နေ့ကို “ကမ္ဘာ့ကလေးအလုပ်သမား ဆန့်ကျင်တိုက်ဖျက်ရေးနေ့” အဖြစ် သတ်မှတ်ကာ ၂၀၀၂ ခုနှစ်မှစတင်ပြီး အစိုးရ၊ အလုပ်ရှင်၊ အလုပ်သမားအဖွဲ့အစည်းများ၊ လူမှုအဖွဲ့အစည်းများနှင့် ပြည်သူများပူးပေါင်းကာ ကျင်းပဆောင်ရွက်လျက်ရှိရာ လူမှုတရားမျှတမှုများကို ရရှိစေရေးဖြစ်စဉ်တွင် ကလေးအလုပ်သမားပပျောက်ရေးသည် အရေးပါလှသော ရှုထောင့်တစ်ရပ်တွင်ပါဝင်နေသည်မှာ မုချဖြစ်ပေသည်။