မြန်မာ့မီးရထားမှ စက်ခေါင်းမောင်း (၂) အထူး ဦးဇော်မင်းသန်း တစ်ယောက်ယူနီဖောင်းအပြည့်အစုံဖြင့် ရထားမောင်းနှင်ရန် အသင့်အနေအထားဖြစ်နေသည်။ သူက မြန်မာ့မီးရထားတွင် လုပ်သက် ၁၀ နှစ်ကျော် တာဝန်အဆင့်ဆင့် ထမ်းဆောင်ခဲ့သည့်အတွက် ရထားမောင်းနှင်မှုသည် ကျွမ်းကျင်ဝန်ထမ်းအဆင့်သို့ ရောက်ရှိနေသူဖြစ်သည်။ ထို့ပြင် မီးရထားနှင့် ပတ်သက်သည့် နည်းပညာများကို ပြည်ပကျွမ်းကျင်ပညာရှင်များထံမှ စာတွေ့၊ လက်တွေ့သင်ယူခဲ့ပြီး ဖြစ်သည်။ ထို့ကြောင့် လူစီးအမြန်ရထားမောင်းနှင်ရန် တာဝန်ပေးခြင်းခံရပြီး ယခုအခါ စက်ခေါင်းမောင်း (၂) အထူးရာထူးဖြင့် ရထားစီးခရီးသွားပြည်သူများကို ခရီးစဉ်အစုန်/အဆန် မောင်းနှင်ပို့ဆောင်ပေးလျက်ရှိသည်။