ကျွန်တော်တို့နိုင်ငံသည် ရှေးနှစ်ပေါင်းထောင်ချီမှ မြန်မာမင်းများတည်ဆောက်အစပြုခဲ့သော အချုပ်အခြာအာဏာပိုင် နိုင်ငံတစ်နိုင်ငံဖြစ်ပါသည်။ တိုင်းရင်းသားလူမျိုး ၁၃၅ မျိုး အေးအတူပူအမျှ တစ်ဦးနှင့်တစ်ဦး ချစ်ကြည်ရင်းနှီးစွာ ရှေးပဝေသဏီကတည်းက အတူတကွနေထိုင်ခဲ့ကြသော နိုင်ငံလည်းဖြစ်ပါသည်။ တိုင်းရင်းသားတစ်ဦးနှင့်တစ်ဦး ယုံကြည်စွာကူးလူးဆက်ဆံခြင်း၊ လူမျိုးစွဲ၊ ဝါဒစွဲ၊ ဒေသစွဲမထားရှိဘဲ ငြိမ်းချမ်းစွာအတူတကွနေထိုင်ခြင်း၊ ချစ်စရာကောင်းသည့် အမူအကျင့်များဖြင့် ပေါင်းစည်းခြင်း စသည်ဖြင့် ပြည်ထောင်စုစိတ်ဓာတ်အရင်းခံ၍ ဥမကွဲသိုက်မပျက်တင့်တယ်စွာ နေထိုင်လျက်ရှိပါသည်။

မြန်မာနိုင်ငံလူဦးရေ၏ ၇၀ ရာခိုင်နှုန်းခန့်သည် ကျေးလက်နေပြည်သူများဖြစ်ပြီး လယ်ယာစိုက်ပျိုး မွေးမြူရေးလုပ်ငန်းများကို အဓိကလုပ်ကိုင်ကြကာ ဆန်စပါးသည် နိုင်ငံသားများ၏ အဓိကစားသုံးသီးနှံဖြစ်ပါသည်။ မြန်မာနိုင်ငံ၏ ဧရိယာအကျယ်အဝန်း ၁၆၇၁၈၅၈၂၄ ဧက ရှိသည့်အနက် ၂၀၂၄-၂၀၂၅ စိုက်ပျိုးရာသီကုန်၌ စိုက်ပျိုးမြေဧရိယာတည်ရှိမှုအခြေအနေမှာ အောက်ပါအတိုင်းဖြစ်ပါသည်-

တရုတ်ပြည်သူ့သမ္မတနိုင်ငံ ဟေလုံကျန်းပြည်နယ် ဟာပင်းမြို့ကို အလုပ်သဘော ခရီးရောက်ရှိခဲ့သည့် နိုင်ငံတော်အကြီးအကဲနှင့်အဖွဲ့သည် ထိုမြို့တွင်တည်ရှိသော Beidahaung Smart Agriculture Exhabition Center ၌ ပြသသည့် ခေတ်မီဒစ်ဂျစ်တယ် လူမဲ့နည်းပညာ AI ဉာဏ်ရည်တုစနစ်အသုံးပြု စိုက်ပျိုးရေးပြုပြင်ပြောင်းလဲနေမှုများ၊ လယ်ယာကဏ္ဍဖွံ့ဖြိုးတိုးတက်မှုများကို လေ့လာခွင့်ရခဲ့ခြင်းက မိမိနိုင်ငံ၏ စိုက်ပျိုးမွေးမြူရေးကဏ္ဍအတွက် အလွန်တန်ဖိုးရှိလှပါသည်။