၂၀၂၂ ခုနှစ် စက်တင်ဘာလ ၁၂ ရက်နေ့ကနေ အခုအောက်တိုဘာလ ၇ ရက်နေ့အထိ ကျင်းပနေတဲ့ ကုလသမဂ္ဂလူ့အခွင့်အရေးကောင်စီရဲ့ (၅၁) ကြိမ်မြောက် ပုံမှန်အစည်းအဝေးမှာ မြန်မာနိုင်ငံနဲ့ပတ်သက်တဲ့ အစီရင်ခံစာကို လူ့အခွင့်အရေးကောင်စီက ၂၀၁၈ ခုနှစ်က ဖွဲ့စည်းပေးထားတဲ့ မြန်မာနိုင်ငံဆိုင်ရာ လွတ်လပ်သော စုံစမ်းစစ်ဆေးမှုယန္တရား (IIMM) အကြီးအကဲ Mr. Nicholas Koumjian (အမေရိကန်) က တင်သွင်းခဲ့ပါတယ်။

ကုလသမဂ္ဂနဲ့ သူ့လက်အောက်ခံအဖွဲ့အစည်းတချို့ရဲ့ မြန်မာနိုင်ငံအပေါ် တစ်ဖက်သတ် ဝေဖန်သုံးသပ်ပြောဆိုမှုတွေဟာ အတောမသတ်နိုင်ပဲ ရှိပါသေးတယ်။ အခုလည်း ကုလသမဂ္ဂ အဖွဲ့ခွဲတစ်ခုဖြစ်တဲ့ ဂျီနီဗာအခြေစိုက် UNHRC လို့ခေါ်တဲ့ ကုလသမဂ္ဂလူ့အခွင့်အရေး ကောင်စီဟာ သူ့ရဲ့(၅၁)ကြိမ်မြောက် ပုံမှန်အစည်းအဝေးမှာ မြန်မာနိုင်ငံကို ပစ်မှတ်ထားစွပ်စွဲပြောဆိုခဲ့ပြန်ပါပြီ။