မြန်မာနိုင်ငံတစ်ဝန်းက မိဘပြည်သူတွေဟာ ပွင့်လင်းရာသီ အားလပ်ရက်တွေရောက်တာနဲ့ တစ်နှစ်တာ ပင်ပန်းနွမ်းနယ်သမျှ အနားယူ အပန်းဖြေကြပါတယ်။ မိသားစုတွေ စိတ်လက်ကြည်သာ ပျော်ရွှင်ချမ်းမြေ့စေဖို့နဲ့ ကုသိုလ်တွေ မျှဝေရယူကြဖို့အတွက် မြန်မာပြည်အနှံ့ အနယ်နယ်အရပ်ရပ်က တန်ခိုးကြီးဘုရားတွေနဲ့ အပန်းဖြေစခန်းတွေဆီကို ခရီးထွက်လေ့ရှိကြပါတယ်။

အကြမ်းဖက်ဆိုတာက အကြမ်းဖက်ပါပဲ။ သူ့ ဇ နဲ့ သူပါ။ မပြောင်းလဲပါဘူး။ သတ်မယ်၊ ဖြတ်မယ်၊ ဖျက်ဆီးမယ်ပေါ့။ အကြမ်းဖက်သမားတွေရဲ့ မပြောင်းလဲတဲ့ မူဝါဒကိုယ်တိုင်က တတ်နိုင်သမျှ များများသတ်ဖို့ပါပဲ၊ များများ ပျက်စီးသွားစေဖို့ပါပဲ။ ယခုရက်ပိုင်းအတွင်း ပြည်တွင်းမှာ လူတွေအစုလိုက်၊ အပြုံလိုက် သေကျေဒဏ်ရာရဖို့ ရည်ရွယ်ပြီး အကြမ်းဖက်သတ်ဖြတ်ဗုံးခွဲ ချောင်းမြောင်းပစ်ခတ်မှုတွေ၊ မြို့ရွာတွေကို ၀င်ရောက်စီးနင်း ပစ်ခတ်တိုက်ခိုက်တာတွေ ခပ်စိတ်စိတ်တွေ့လာနေရပါတယ်။ ပြည်သူတွေအဓိက ထိခိုက်နိုင်တဲ့ နေရာတွေကိုမှ ရွေးချယ်ပစ်မှတ်ထားပြီး လုပ်ကြံဖောက်ခွဲမှုတွေလည်း များလာတာ တွေ့နေရပါတယ်။