မြန်မာလူမျိုးတို့သည် ရှေးပဝေသဏီကတည်းကပင် ကိုယ့်ထီး၊ ကိုယ့်နန်း၊ ကိုယ့်ကြငှန်းဖြင့် နေထိုင်ခဲ့ကြသူများဖြစ်သည်။ မိမိလူမျိုး၊ မိမိတိုင်းပြည်ကို ချစ်မြတ်နိုးကြသည်။ မိမိလူမျိုးအား တိုင်းတစ်ပါးမှ ချိုးနှိမ်သည်ကို မနှစ်သက်သကဲ့သို့ မိမိတိုင်းပြည်ကို တိုင်းတစ်ပါးမှ မတရားစိုးမိုးခြယ်လှယ်သည်ကိုလည်း မနှစ်သက်ကြချေ။ မြန်မာလူမျိုးတို့သည် သူတစ်ပါးလူမျိုးအပေါ်လည်း မနှိမ်ချသကဲ့သို့ သူတစ်ပါးတိုင်းပြည်ကို ရန်စကျူးကျော်ခြင်း မပြုတတ်ကြပေ။ “ဝံသာနုရက္ခိတတရား”ကို ရှေ့တန်းတင်ထားကြသည့်လူမျိုးများ ဖြစ်ကြသည်။

မြန်မာတို့ရဲ့ ကျောက်မျက်ရတနာတွေထဲမှာ မြဆိုတာ အစိမ်းရောင်ရှိတဲ့ ကျောက်တစ်မျိုးမို့ ပညာရေးကို မြနဲ့တင်စားကြပါတယ်။ အစိမ်းရောင်ဟာ အေးမြခြင်းမို့ ပညာပြည့်ဝနှလုံးလှသူတွေရဲ့ စိတ်ဓာတ်ဟာ အေးမြပါတယ်။ နိုင်ငံတစ်နိုင်ငံမှာ အရေးကြီးဆုံးအချက်ကို ပြောပါဆိုရင် လူတိုင်းကပညာရေးကိုပဲ ပြောကြမှာပါ။ ပညာရေးဟာ လူသားတို့ဘဝအတွက် အရေးကြီးလှသလို နိုင်ငံတစ်နိုင်ငံအတွက်လည်း အလွန်အရေးပါလှပါတယ်။