ဒွန်းစဏ္ဍားမသည် သူ၏သားငယ်အရွယ်ရောက်သောအခါ ၎င်းအား ခွက်တစ်ခုလက်ထဲတွင် ထည့်၍ စွန့်ပစ်ထားခဲ့လေသည်။ ၎င်းသည် သာဝတ္ထိပြည်၌ လှည့်လည်တောင်းခံသော် ရှေးသူ့ဘဝဟောင်းက အိမ်ကိုမြင်လေပြီး ထိုအိမ်ထဲသို့ ဝင်သွားလေသည်။ ယင်းသို့ ဝင်သွားသောအခါ မူလသီရိသူဌေး၏ သားငယ်သည် ၎င်းကိုမြင်၍ ကြောက်လန့်ငိုလေသည်။ သူဌေး၏အလုပ်သမားများက သူ့ကိုရိုက်နှက်ဆွဲငင်ပြီး အမှိုက်စွန့်ရာအရပ်၌ စွန့်ပစ်ကြလေသည်။

လူတွေဟာ သြကာသလောကဆိုတဲ့ ရေမြေတောတောင် သမုဒ္ဒရာတွေထဲက သဘာဝအရင်း အမြစ်တွေ၊ သယံဇာတတွေကို သူတို့ရဲ့အသိဉာဏ် တွေ၊ စွမ်းအားတွေ၊ အရည်အချင်းတွေ အသုံးချပြီး ဖော်ထုတ်အသုံးချနိုင်ကြပါတယ်။ တစ်နည်းပြောရရင် သြကာသလောကကြီးကို လူတွေက ထိန်းချုပ်အသုံးချနိုင်ကြပါတယ်။

ကမ္ဘာလုံးဆိုင်ရာ အင်တာနက်နည်းပညာလုပ်ငန်းကြီးဖြစ်တဲ့ ဂူဂဲလ်(Google)ဟာ သတင်းအချက်အလက်နဲ့ နည်းပညာဆိုင်ရာ လူမှုရေး၊ စီးပွားရေး၊ နိုင်ငံရေး အစရှိတဲ့ လုပ်ငန်းဆောင်တာတွေကို တစ်ကမ္ဘာလုံးလွှမ်းခြုံကာ အချိန်နဲ့အမျှဆောင်ရွက်ပေးလျက်ရှိပါတယ်။

ယနေ့ခေတ်တွင် သိပ္ပံနှင့်နည်းပညာများ တိုးတက်ထွန်းကားလာသော်လည်း ထိုပညာများဖြင့် မဖန်တီးနိုင်သောအရာများရှိနေသည်။ ထိုအထဲတွင် မိခင်၏နို့ရည်သည်လည်း တစ်ခုအပါအဝင်ဖြစ်သည်။ ဆေးသိပ္ပံပညာများ မည်မျှပင်တိုးတက်စေကာမူ ယင်းဆေးပညာများဖြင့် မိခင်နို့ရည်နှင့် အစွမ်းအာနိသင်တစ်ထပ်တည်းတူညီသော နို့ရည်ကို မဖန်တီးမထုတ်လုပ်နိုင်ပါ။ မိခင်၏နို့ရည်သည် မေတ္တာ၊ စေတနာ၊ ကရုဏာများဖြင့် ပေါင်းစပ် ထွက်ပေါ်လာသော မိခင်၏ နှလုံးသွေးအဖြူပင်ဖြစ်သည်။ သားသမီးငယ်တို့ သောက်သုံးရှင်သန် ကြီးထွားရန်အတွက် မိခင်၏ အနီရောင်နှလုံး သွေးရည်များသည် မိခင်၏ မေတ္တာတန်ခိုးကြောင့် ချိုမြိန်၍ အာဟာရပြည့်ဝသော အဖြူရောင်နို့ရည် ဖြစ်သွားရပါသည်။

ဝါခေါင်လသည် မြန်မာ့ဆယ့်နှစ်လရာသီတွင် ပဉ္စမမြောက်လဖြစ်သည်။ ဝါခေါင်လသည် မိုးဥတုတွင်ပါဝင်ပြီး ရှေးအခါက ဝါခေါင်လကို “နံကာ”လ ဟုခေါ်သည်။ ပုဂံခေတ်ကျောက်စာများတွင် ဝါခေါင်လကို ဝါခေါင်ဟုလည်းကောင်း၊ နံကာလဟုလည်းကောင်း ရေးထိုးထားကြောင်း တွေ့ရသည်။ နံကာလ၏ အဓိပ္ပာယ်မှာ မိုးဖြိုင်ဖြိုင် ရွာသွန်းသော လဖြစ်သောကြောင့်‌ တောင်သူလယ်သမားများ စပါးစိုက်ပျိုးချိန်၊ လယ်လုပ်ချိန်၊ စိုက်ပျိုးချိန်လ၊ လယ်လုပ်ချိန်လဟုဆိုသည်။ ဝါခေါင်လသည် ဗေဒင်အခေါ် သိဟ်ရာသီ၊ သရဝဏ်နက္ခတ်နှင့် လမင်းတို့ ယှဉ်ပြိုင်ကာ မွန်းတည့်သည်။ ဖုသျှနက္ခတ်နှင့် နေမင်းတို့ယှဉ်ပြိုင်သည်။ ရာသီရုပ်ခြင်္သေ့၊ ရာသီပန်း ခတ္တာ၊ရာသီပွဲတော် စာရေးတံပွဲဖြစ်သည်။