ပြီးခဲ့တဲ့နှစ် ဒီဇင်ဘာ ၂၁ ရက်နေ့က ကျင်းပတဲ့ (၁၂၈) ကြိမ်မြောက် ရန်ကုန်တက္ကသိုလ် ဘွဲ့နှင်းသဘင်အခမ်းအနားမှာ ဥပဒေအထူးပြုဘာသာရပ်နဲ့ ကျွန်မအတွက် ဒုတိယမြောက်ဘွဲ့ကို ရယူခဲ့ပါတယ်။ အလှအပတွေ၊ ရာဇဝင်တွေနဲ့ ခမ်းနားကျော်ကြားလှတဲ့ ဒီတက္ကသိုလ်ကြီးကပေးတဲ့ဘွဲ့ကို လက်ဝယ်ပိုင်ပိုင်ရရှိတဲ့အတွက် အလွန်ကျေနပ်ပါတယ်။ ဒီဂုဏ်ရှိန်မြင့်တဲ့တက္ကသိုလ်ကြီးက ချီးမြှင့်တဲ့ဘွဲ့ကို အလွန်လိုချင်မိတဲ့ ကျွန်မရဲ့ဆန္ဒပြည့်ဝသွားပြီ ဖြစ်တဲ့အတွက်လည်း အလွန်ပျော်ရွှင်ပါတယ်။